《日劇hea睇》純粹個人意見
可能丫仁睇上季日劇《處男魔法師》實在太過入迷太投入，今季嘅日劇去到中段都係Hea住咁睇！竹內涼真嘅日本電視首套喪屍片，裏面嘅喪屍隻隻都係100米短跑嘅選手！跑得快到冇人有，唔想睇佢chok到爆嘅主角光環，反而係想睇喪屍片嘅求生者人性刻畫！仲有裏面有一個韓國人玩上咗日妝，成個人都靚仔咗好多！劇中仲有一個女配角驟眼睇有啲角度好似新垣結衣（誤）
第二套有丫仁非常鍾意嘅女優—浜辺美波，但係做佢阿媽嘅菅野美穂（半澤直樹個老婆）嘅昭和演技真係令小弟有少少卻步。點解仲可以嘟嘴賣萌？仲有嗰啲尾音真係睇到我好唔自然！好似真係去返睇90年代嘅日劇對白咁，唔夠真實。如果唔係第四集有赤楚衛二（處男魔法師：安達），我諗都真係未必會睇。
之後就係呢一套深宵喜劇《江湖小姐—愛在令和時》所有演員全部都唔認識，好有新鮮感！演技當然麻麻地，但係勝在個題材同埋違和對比滿分劇情好跳脫，一是講呢樣一時又講咗另一樣都幾好笑！花魁（おいらん）令到我哋你知唔知江戶歷史嘅人大概有少少認識！
最後就係好多討論區都討論嘅綾瀨遙同高橋一生《天國與地獄》齋睇預告片覺得兩個靈魂倒轉身份都唔算係新鮮嘅題材，但係兩位大演技派嘅演技比以往嘅男女倒轉身體好睇好多倍，再加上連續殺人犯同警察嘅身份倒轉睇得更緊湊。你試吓係而家香港派一套警察腐敗嘅片，睇吓會點！
ps：龜梨和也嗰套都有睇，但係太沉重同埋小弟並唔係太喜歡龜梨和也！
Search